網紅的藏寶箱好唔好食，老唔老實，揾唔揾笨，只要睇吓有無人幫襯就一目了然！
我太想食生酮食物原故，朋友之前已經話喱間好貴，不過因為我想食清啲，於是諗住試吓！
門口張相，的確好吸引我，但冇列明價錢，唯有入去坐低，仲要登記埋個人資料。。。。
打開餐牌，完全揾唔到個餐，原來印得唔起眼，我揾個阿姐埋嚟問，佢用鄉音回答我，”身同蝕墨個前日找餐係(生酮食物個全日早餐)HK$138” 。。。。。
老實講，我覺得好貴，最衰寫咗個人資料，唔好意思拎返，所以焗住落柯打，個心仲好期望好豐富！
碟嘢上枱，食食吓，發現牛油果得兩粒，加埋仲細過我隻尾指，我叫阿姐埋嚟，佢就話係咁，然後就話我嗰個係下午茶份量！ 我問阿姐點解落單唔講我知？ 咁下午茶係咩價錢？ 阿姐話同一價錢，仲預咗我會知咁，我唔知係我問題！ Sorry，我第一次嚟幫襯真係乜都唔知囉！
講吓講吓，櫃面個女仔就拎咗幾片牛油果比我，話補番比我！ Hey guys, 我唔係乞討，我只係因為張相影得好豐富先至入嚟坐低叫嘢食， 阿姐仲要屈我唔清楚下午茶餐同正餐個份量，但係個價錢完全冇分別嘅！
#不可一不可再
#一個字
#伏
Search